ದೂರ ಬಹು ದೂರ ಹೋಗುವ ಬಾರ
ಅಲ್ಲಿಹುದೆಮ್ಮ ಊರ ತೀರ || ದೂರ ||
ಜಲಜಲದಲೆಗಳ ಮೇಲ್ಕುಣಿದಾಡಿ
ಪಳಲಿಕೆ ತೊಳಲಿಕೆಗಳನೆಲ್ಲ ದೂಡಿ
ಗೆಲುವಿನ ಉಲಿಗಳ ಹಾಡಿ ಒಲುಮೆಯ ಮಾತಾಡಿ ಹಕ್ಕಿಗಳಿಂಚರ ಕೇಳಿ
ಆನಂದವ ತಾಳಿ || ದೂರ ||
ಹಿಮಮಣಿ ಕಣಗಣ ಸಿಂಚಿತ ಅಂಚಿನ
ಹಸುರಿನ ತೀರದ ಮೇಲಾಡಿ
ಇಸಲೆಯ ಕಂಪನದಿಂಪನು ನೋಡಿ
ಕೂಡಿ ಆಡಿ ನೋಡಿ ಹಾಡಿ ತೇಲಿ ತೇಲಿ ಹೋಗುವ ಬಾರ
ಅಲ್ಲಿಹುದೆಮ್ಮ ಊರ ತೀರ || ದೂರ ||
1 comment:
ದಯವಿಟ್ಟು 'ಮತ್ತೆ ಮಳೆ ಹೊಯ್ಯುತಿದೆ, ಎಲ್ಲ ನೆನಪಾಗುತಿದೆ' ಕವಿತೆ ಸಿಕ್ಕರೆ ಪ್ರಕಟಿಸಿ.. ಕವಿ ಯಾರಂತ ಗೊತ್ತಿಲ್ಲ.ಬಹಳ ವರ್ಷಗಳಿಂದ ಹುಡುಕ್ತಿದಿನಿ. ಸಂಗ್ರಹಿತ ಕವನಗಳಿಗೆ ನನ್ನ ಬ್ಲಾಗಿಗೂ ಭೇಟಿ ಕೊಡಿ : ಕನ್ನಡಕಾವ್ಯಕಣಜ.
ಧನ್ಯವಾದಗಳು..
Post a Comment